musi Pujopujo seli lawa

nimi sin
nasin musi
toki open
jan lon musi
jan pali pi lipu ni

nimi sin

monsuta (nimi ku suli 84%)
ijo ike li ken lon, li ken utala e mi, li ken pakala e mi la;
sijelo li awen e mi kepeken pilin “monsuta”.
ijo pi ike ni ken kin li “monsuta”.

musi Pujopujo la; ken mute la, sina “pilin monsuta” ala tan monsuta a;
ken la, monsuta li suwi mute a!
majuna (nimi ku lili 46%)
mama en jan lili ona li lon la,
mama li “majuna” en jan lili li “majuna lili” anu li “majuna ala”.
ni li sama ni: mama li “sin ala” en jan lili li “sin”.

ante la, ni kin.
jan lili ni li sona toki pona,
en ona li pana sona pi toki pona tawa mama ona la, ni:
mama li “jan sin pi toki pona”.
taso, jan lili li “jan majuna pi toki pona” ala.
toki pona anu toki pona ala la,
mama li “jan majuna” en jan lili li “jan majuna ala”.

mi wile toki e ni: tenpo mute la, jan “majuna” li sama ala jan “sin ala”.
jan “majuna” li awen li tawa li toki li sona lon tenpo mute.

lipu “jan Osu pi wawa nasa” li kepeken e nimi ni.
usawi (nimi ku lili 23%)
“usawi” li nasin pi jan sewi lili, anu “usawi” li ijo pi sona jan pi ma ale ni ala.
lon lipu “jan Osu pi wawa nasa” la, wawa nasa ni pi jan Osu li “usawi”.

musi Pujopujo la, jan mute li kepeken e usawi. wawa usawi kin li jo e nimi “usawi”.
pujo (nimi pi lipu ala 0%)
musi Pujopujo la, “pujo” li sike ko, li jo e kule wan. pujo li leko lon musi ni. pujo mute li ken jo e kule mute. pujo tu tu pi kule sama li kulupu la, ona li pakala li weka.

nasin musi

Akolu musi Pujopujo li musi leko. tenpo mute la, musi ni li utala pi jan tu.

Popowi …mi mute li lon insa musi. sina lon insa ala musi. o pilin ala tawa ni.

Akolu ijo ni li “pujo”. kulupu pujo pi tu anu tu-wan anu tu-tu li kama tawa anpa. o tawa e ona kepeken nena “←/→”. o tawa sike e ona kepeken nena “B/A”.

Popowi pujo suli li sama pujo tu-tu. kepeken nena “B/A” la, sina ken ante e kule ona.

Akolu kulupu pi pujo tu tu li pakala li weka. ni li pana e pujo jaki tawa jan ante.

Popowi pujo pi jaki ala li weka lon poka pujo jaki la, pujo jaki ni li weka kin.

Akolu ken la; kulupu pujo li weka la, kulupu ante pujo li weka. nimi ni li weka linja.

Popowi weka linja li suli la, ni li pana e pujo jaki mute.

Akolu pujo li lon sitelen “X” sina la, utala li pini li ike tawa sina.

Popowi ni li tan ni: pujo li ken ala kama tawa anpa.

Akolu tenpo kama la, pujo jaki li kama tawa sina, anu seme? sina pana e pujo jaki la, sina mute ala e pujo jaki pi jan ante. nimi ni li weka ante.

Popowi sina pini pi weka ante la, pujo jaki li kama ala lon tenpo ni.

Akolu lon nasin musi “seli lawa” la, weka ante li suli e ilo seli lawa.

Popowi ilo seli lawa li lon meso lon sinpin sitelen.

Akolu ilo seli lawa li jo e suno ale la…

Popowi seli lawa li open a!

Akolu seli lawa li pini ala la, pujo jaki li awen li kama ala.

Akolu seli lawa la, linja pujo li kama tawa anpa. linja pujo li kulupu pujo. jan li ken weka linja e ni. sina li weka pona la, linja pujo kama li suli.

Popowi taso; sina li weka ike la, linja pujo kama li lili. o kute pona!

toki open

ni li kepeken toki Nijon. mi li ante toki e ni.

— toki open —

jan li sona ala e tenpo seme e ma seme...
meli lili li lon; wile ona li ni:
tenpo kama la,
ona li jan usawi pi pona mute.
nimi ona li Amisi.
tenpo suno ale la; ona li
lon tomo sona usawi Pulinpu,
li lon poka jan mute pi kama sona.

taso, tenpo suno wan la, jan Akolu
(ona li jan pi pana sona pi jan Amisi)
li weka pi wile ala
e palisa ona pi tawa sewi a!!
ona li toki e ni:
jan li alasa li jo e palisa ni la,
ona li pana e ijo pona tawa jan ni.

“mi wile sona e ni: ijo pona ni li seme?”
“mi kepeken tenpo mute la,
jan ante li jo e palisa a!”
jan ale pi kama sona li pilin seli a!

nasin ni la, tawa pi jan lili mute li open.

jan lon musi

ni li kepeken toki Nijon. mi li ante toki e ni.

jan Amisi

toki Nijon: アミティ

toki Inli: Amitie

ona li meli lili.
wile ona li ni: tenpo kama la,
ona li jan usawi pi pona mute.
tan ni, ona li tawa tomo sona usawi Pulinpu.
tomo sona la, ona li pali pona ala.
taso, pilin ona li wawa lon tenpo ale.

jan Lawina

toki Nijon: ラフィーナ

toki Inli: Raffina

pilin pi meli ni la,
ona li sewi en jan ante li sewi ala.
tomo sona la, ona li pali pona.
taso, ona li jo ala e usawi ona.
ni la, ona li jo e poki usawi.
poki ni li moku e wawa ona pi utala sijelo,
li pana e wawa usawi.

jan Litelu

toki Nijon: リデル

toki Inli: Lidelle

meli ni li jan li jan ala lili.
tenpo ale la, ona li wile len e palisa lawa ona,
kepeken sike pi linja lawa ona.
jan Talutalu li jan pona ona.

jan Talutalu

toki Nijon: タルタル

toki Inli: Tartar

ona li jan lili. sijelo ona
li suli mute li wawa mute.
pilin ona li suwi tawa jan poka.
taso, jan li utala tawa kasi tawa soweli la,
wawa ona tawa jan ni li suli mute.

jan Kuluku

toki Nijon: クルーク

toki Inli: Klug

tomo sona la, ona li pona suli.
pilin ona tawa jan poka li ike lili.
usawi la, ona li pona mute.
ona wile e ni:
jan ale li lukin e usawi ona.
taso; ona pakala la,
ona toki e ni: ni li tan ona ala.

jan Akolu pi pana sona

toki Nijon: アコール先生

toki Inli: Ms. Accord

ona li jan pi pana sona pi jan Amisi.
ona li lukin e jan lili
pi kama sona, tan lon ante.
tenpo ale la, ona li jo e soweli len.
nimi pi soweli ni li soweli Popowi.

kiwen insa pi len pi pona lukin

toki Nijon: おしゃれコウベ

toki Inli: Dapper Bones

ona li jan monsuta pi kiwen insa,
li alasa e len ike pi jan ale,
li mije pi olin mije.
ona li wile lukin e jan olin ona.
jan ni li pona suli len li lon ni ala.
tan ni, ona li toki tawa jan tawa pi len pona.

akesi sike pi kili kiwen

toki Nijon: どんぐりガエル

toki Inli: Donguri Gaeru

akesi ni li lon ma ale.
ona li tawa sike la, ona li lukin pi pilin pona.

monsuta mama pi jan moli en monsuta lili pi jan moli

toki Nijon: こづれフランケン

toki Inli: Frankensteins

jan sona nasa li pali e monsuta mama ni,
kepeken sijelo moli mute.
jan ni li open pilin monsuta li tawa weka.
monsuta mama li wile e jan poka.
tan ni, ona li pali e jan lili sama ona.
jan mute ala li sona e ni:
wawa insa lawa pi monsuta mama la,
wawa insa lawa pi monsuta lili li suli lili.

monsuta Onijon

toki Nijon: おにおん

toki Inli: Onion Pixie

monsuta Oni li monsuta wawa
lon ma Nijon.
monsuta Onijon li monsuta Oni lili.
tenpo pimeja la; jan li tawa ma kasi
lon monsi pi tomo sona la,
ken la, monsuta Onijon mute li utala e jan ni.

jan kala pi suli ma

toki Nijon: さかな王子

toki Inli: Ocean Prince

tawa ma ante la, ona li
ken lukin ala e jan poka ona.
kepeken usawi la, sijelo ona
li ante li kama sijelo kala.
pilin ona la, ni li ike ala tawa ona,
ken la, tan ni: ona li jan suli lon ma telo.

jan Ju kon

toki Nijon: ユウちゃん

toki Inli: Yu

ona li meli kon, li lon tomo sona,
li pana e pilin seli mute.
ona li olin nasa e musi nimi.
mije kon Lewi li jo e mama sama
li wile lili pi toki tawa jan.
jan Ju li majuna la, jan Lewi li majuna lili.
ona meli li wawa nasa ike la,
ona mije li pini e toki ona meli.

waso Ojo

toki Nijon ほほうどり

toki Inli: Hoho

tenpo mute la, waso suli ni
li toki e nimi “ho ho?”.
ona li kepeken e ilo lukin,
tan lukin ona li wawa ala.
taso, ona tawa pakala
lon poka pi tomo sona.

jan Alulu

toki Nijon: アルル

toki Inli: Arle

ona li kama tan ma ale ni ala,
tawa ma ale ni.
ona li kama sona e usawi
li kama jan usawi.
pilin ona li seli li pona.
wile ona la ni: ona li weka e pujo mute la,
ken la, ona li tawa ma ale ona.